رارلپنڈی (این این آئی)راولپنڈی میں پاکستان تحریک انصاف کے کیمپ کے باہر بزرگ خاتون پی ٹی آئی قیادت پربرس پڑیں ۔ احتجاج کے دور ان بزرگ خاتون نے کہا کہ دو گھنٹے سے ذلیل ہورہے اورراستے بند ہیں۔خاتون نے کہا کہ پریشان ہوگئی ہوں صبح سے تین گھنٹے میں اب پہنچی ہوں۔واضح رہے کہ پی ٹی آئی کارکنوں کا ایم ٹو موٹروے پر دوسرے روز بھی احتجاج جاری رہا، مظاہرین نے ٹائر اور موٹروے کے اطراف میں لگی جھاڑیوں کو آگ لگا دی ہے۔ایم ٹو موٹروے اسلام آباد سے لاہور دونوں اطراف سے بند ہونے کی وجہ سے گاڑیوں کی لمبی قطاریں لگ گئیں جس سے شہریوں کو شدید مشکلات کا سامنا کر نا پڑا۔دوسری جانب وفاقی پولیس نے سیکرٹری داخلہ اور چیف کمشنر کو خط لکھ کر اسلام آباد ایئرپورٹ جانے والی لاہور پشاور موٹروے کلیئر کرنے کی اجازت مانگ لی۔