اسلام آباد (این این آئی)پاکستان تحریک انصاف کے چیئر مین عمران خان نے حملے سے قبل برطانوی میڈیا کو دیئے گئے انٹرویو میں کہا ہے کہ پر اعتماد ہوں

لانگ مارچ میں تشدد نہیں ہوگا۔تفصیلات کے مطابق عمران خان نے حملے سے 2 گھنٹے قبل برطانوی میڈیا کو انٹرویو دیتے ہوئے کہا کہ پر اعتماد ہوں لانگ مارچ میں تشدد نہیں ہوگا،میں پچھلے چھ ماہ سے سڑکوں پر ہوں، لانگ مارچ کا مقصد الیکشن کرانا اور تبدیلی لاناہے،

اس کے علاوہ اور کوئی راستہ نہیں ہے۔انہوںنے کہاکہ مجھے پچھلی دفعہ کی طرح کمزور حکومت ملی تو حکومت نہیں سنبھالوں گا، پچھلی دفعہ اتحادی حکومت کمزور تھی،

میں اتنا مضبوط نہیں تھا کہ قانون کی حکمرانی پر عمل درآمد کرا سکوں۔عمران خان نے کہا کہ میں طاقتور مافیاز کو قانون کے کٹہرے میں نہیں لاسکا،

مافیاز کے پاس مجھے کمزور کرنے اور بلیک میل کرنے کے کئی طریقے تھے،اس بار میرے پاس پارلیمنٹ میں نمبر پورا ہوگا

تو ہی اقتدار سنبھالوں گا۔انہوںنے کہاکہ قانون پر عمل درآمد اسی صورت کراسکتے ہیں جب پارلیمنٹ میں اکثریت ہو۔