اسلام آباد (مانیٹرنگ ڈیسک) تحریک انصاف کے چیئرمین اور سابق وزیراعظم عمران خان کا زخمی ہونے کے بعد اپنے بیٹوں سے ٹیلی فونک رابطہ ہوا ہے جس میں انہوں نے اپنے بیٹوں کو پیغام دیا کہ گھبرانا نہیں ہے، حوصلہ رکھنا ہے۔ اس موقع پر عمران خان کے بیٹوں نے اپنے والد کی صحت یابی کے لئے دعا بھی کی۔ اس موقع پر بچوں نے حملہ ناکام بنانے کی کوشش کرنے والے نوجوان کا شکریہ ادا کیا، جمائمہ نے اپنے ٹوئٹ میں حملہ ناکام بنانے والے نوجوان کو ہیرو قرار دیا، جمائمہ نے عمران خان کے خیریت سے ہونے کا اللہ سے شکر ادا کیا۔