لاہور (این این آئی) عمران خان کو چیئرمین تحریک انصاف کے عہدے سے ہٹانے کے لئے لاہور ہائیکورٹ میں درخواست دائر کر دی گئی۔درخواست محمد آفاق ایڈووکیٹ کی جانب سے دائر کی گی جس میں الیکشن کمیشن سمیت دیگر کو فریق بنایا گیا ہے۔ درخواست میں موقف اختیار کیا گیا ہے کہ الیکشن کمیشن نے عمران خان کو نااہل کردیا ہے جس کے بعد وہ پارٹی چیئرمین شپ کا عہدہ بھی پاس رکھنے کا قانونی جواز نہیں رکھتے۔ معزز عدالت سے استدعا ہے کہ عمران خان کو چیئرمین تحریک انصاف کے عہدے سے ہٹا کر نیا چیئرمین مقرر کرنے کا حکم دیا جائے۔