ڈرائیور چند گھنٹوں بعد ہی گرفتار

اسلام آباد (مانیٹرنگ ڈیسک)فیصل آباد میں نجی بینک تک رقم پہچانے والی سکیورٹی کمپنی کی کیش وین کا ڈرائیور4 کروڑ 86 لاکھ روپے لے کر فرارہو گیا۔

تفصیلات کے مطابق فیصل آباد میں مبینہ طور پر کروڑوں روپے لوٹ کر فرار ہونے والے کیش وین کے ڈرائیور کو چند گھنٹوں بعد ہی گرفتار کر لیا گیا۔نجی ٹی وی جیو کے مطابق پولیس کا بتانا ہے کہ ملزم کو چک جھمرہ کے علاقے سے گرفتار کیا گیا ہے

اور کیش وین کے ڈرائیور سے لوٹی گئی رقم بھی برآمد کر لی گئی ہے۔پولیس کے مطابق لوٹی گئی کیش وین میں 4 کروڑ96 لاکھ روپے تھے،

ملزم نے کارروائی اس وقت کی جب باقی گارڈز پیسے بینک برانچ میں منتقل کرنے کے لیے اندر گئے ہوئے تھے۔پولیس کا کہنا ہے کہ

واقعے کی اطلاع ملتے ہی سکیورٹی کمپنی کی گاڑی برآمد کر کے مفرور ملزم کی تلاش شروع کر دی گئی تھی،

ڈرائیور کیش وین 109 چک کےقریب چھوڑ کر رقم سمیت غائب ہو گیا تھا۔