جسٹس(ر) مقبول باقر نے چیئرمین نیب کا عہدہ لینے سے معذرت کر لی ،نئے چیئرمین نیب کی تعیناتی پر حکومت تذبذب کا شکار

اسلام آ باد (آن لائن) نئے چیئرمین نیب کی تعیناتی پر حکومت تذبذب کا شکار ہو گئی، حکمران اتحاد جسٹس(ر) مقبول باقر کا نام سامنے لاکر مشکل میں پھنس گئی۔

جسٹس(ر) مقبول باقر کی آئینی عہدے پر تعیناتی کے لئے دو سال کی شرط آڑے آگئی۔ قانونی ٹیم نے حکومت کو مشورہ دیا کہ سپریم کورٹ اہم تعیناتی پر کڑی نظر رکھے ہوئے ہے

اس لیے جسٹس مقبول باقر کی تعیناتی میں جلد بازی نہ کی جائے۔ قانونی ٹیم نے رائے دی ہے کہ وزیراعظم متبادل نام پر بھی اپوزیشن لیڈر سے مشاورت جاری رکھیں

اس سلسلے میں وزیراعظم شہباز شریف اپوزیشن لیڈر راجہ ریاض سے مزید ناموں پر مشاورت کریں گے۔

دوسری جانب جسٹس(ر) مقبول باقر نے بھی اپنے نام پر تنازعہ کھڑا ہونے کے ڈر سے چیئرمین نیب کا عہدہ سنبھا لنے سے معذرت کرلی ہے

جس کے بعد وزیراعظم نے نئے ناموں پر غور شروع کر دیا ہے ، نئے ناموں میں اخلاق تارڑ،افتاب سلطان اور ناصر کھوسہ کے زیر بحث ہیں

جبکہ ابھی تک اپوزیشن لیڈر راجہ ریاض کی طرف سے کوئی نام نہیں دیا گیا تاہم راجہ ریاض اور وزیراعظم کے درمیان اس معاملے پر چند روز میں ملاقات متوقع ہے۔