اسلام آباد (مانیٹرنگ ڈیسک )نجی ٹی وی پروگرام حسب حال کے اینکر پرسن جنید سلیم نے انکشاف کرتے ہوئے کہا ہے کہ دنیا میں واحد ایک ایسا ملک ہے جہاں پر پاکستانیوں کی پاکستانی ہونے کی وجہ سے عزت ہے وہ ترکی ہے لیکن اب صورتحال ایسی نہیں رہی اس کی ایک وجہ یہ ہے کہ
وہ جو نسل تھی خلافت عثمانیہ کے دوران پاکستانیوں کی مدد کی احسان مند تھی وہ نسل اب نہیں رہی پرانی نسل نے نئی نسل کو یہ سبق تو دیا ہے ۔سینئر اینکر پرسن کا کہنا تھا کہ اگر آپ آج بھی ان کے سکولوں یونیورسٹیوں کے نصاب دیکھیں تو آپ کو آج بھی علامہ اقبال کے سلیبس بھی ملے گے ۔ اب حالات پچھلے کچھ عرصے سے بہت تیزی کیساتھ تبدیل ہوئے ہیں اور بدقسمتی کی بات ہے کہ منفی انداز میں تبدیل ہوے ہیں ، ہم بدنصیب لوگ ہیں ہماری زبانیں پک گئیں ہیں کہ جب ہم کسی بھی ملک میں جاتے ہیں تو اپنے ملک کے سفیر بن کر جائیں اور اپنے ملک کا نام روشن کریں ۔ان کا کہنا تھا کہ آپ اندازہ کریں کسی وقت میں جیوے جیوے پاکستان ترکی میں ٹاپ ٹرینڈ تھا کچھ عرصہ ایک یا ڈیڑھ ماہ پہلے ترکی کے اسی سوشل میڈیا پر ’’پاکستانیوں چلے جائو ‘‘ ٹرینڈ رہا ہے ۔ وہ ترکی جو ہم سے اتنا پیار کرتا تھا اب اتنی تیزی سے ہمارے لیے حالات کیوں تبدیل ہو گئے اس کی کوئی اور وجہ نہیں بلکہ ہمارے کرتوت ہیں ۔ انکا کہنا تھا کہ استنبول میں کچھ پاکستانیوں نے ترک خواتین کی تصاویر لے کر انتہائی بیہودہ بنا کر سوشل میڈیا وائرل کیا جس کی وجہ سے ترک عوام نے ری ایکٹ کیا ہے پھر وہاں پر اغواء برائے تاوان کے اوپر تلے دو ، تین واقعات رونما ہوئے جن میں پاکستانی ملوث ہیں ، پاکستانیوں سے پہلےوہاں پر شامی یا افغانیوں کے بارے میں یہ کہا جاتا تھا کہ یہ یہاں پر کرائم میں ملوث ہیں
،اب ان دونوں قوموں کیساتھ پاکستانیوں کا نام بھی لیا جاتا ہے کہ پاکستانی بھی کرائم میں ملوث ہیں ، اب وہاں پر ترک عوام پاکستانیوں کو گھر کرایے پر نہیں دیتے
، افغانی ، شامی کیساتھ ساتھ پاکستانیوں کو بھی اب وہاں پر گھر ملنا مشکل ہو گئے ہیں ۔
