لندن(این این آئی)برطانیہ کی حج ٹریول انڈسٹری میں بڑے پیمانے پر فراڈ کے واقعات کے پیش نظر سعودی حکومت نے حج پیکجز کے لیے نیا یونیورسل سسٹم فعال کر دیا ہے۔غیر ملکی میڈیا کے مطابق یونیورسل سسٹم فعال کرنے والی کمپنی نے کہا کہ
نیا سسٹم فراڈ کو روکنے اور حج کو مزید قابل رسائی بنانے کے لیے بنایا گیا ہے۔نئے سسٹم کے تحت حج کے خواہشمند افراد پورٹل پر براہ راست اندراج کرا سکتے ہیں جبکہ درخواست گزاروں کی رجسٹریشن، فیس وصولی اور ویزے کا اجرا آن لائن ہو گا۔نئے پورٹل میں برطانیہ کے حج ٹریول ایجنٹس کو خارج کر دیا گیا ہے جس کے باعث کمپنیاں موجودہ بکنگ والے صارفین کو رقم واپس کرنے کی پابند ہوں گی۔ برطانیہ کی حج ٹریول انڈسٹری میں فراڈ کے بہت واقعات رپورٹ ہو چکے ہیں، غیر قانونی آپریٹرز عازمین حج کے ہزاروں پانڈز لیکر غائب ہو جاتے ہیں۔آل پارٹی پارلیمانی گروپ برائے حج و عمرہ کی سربراہ ایم پی یاسمین قریشی کا اس حوالے سے کہنا تھاکہ سعودی حکومت سے کہا ہے کہ آپ کے پیکجز برطانیہ کے سفری ضوابط پر پورا نہیں اترتے۔یاسمین قریشی کا کہنا تھا میں نے وزارت کو پورے پورٹل رول آٹ کے بارے میں لکھا ہے، پرانے سسٹم پر کسی بھی خرابی کی صورت میں معاوضہ ملتا تھا لیکن نئے سسٹم میں عازمین کے ساتھ کچھ بھی غلط ہوا تو اس کا ازالہ کیسے ہو گا؟
