راولپنڈی (این این آئی)قومی کرکٹ ٹیم کے سابق فاسٹ بولر شعیب اختر نے ماؤں سے محبت کے اظہار کے عالمی دن پر مداحوں کو اپنی کہانی سناتے ہوئے کہاہے کہ ریٹائرمنٹ کے بعد والدہ کیلئے 11 سال روز تین گھنٹے گاڑی چلائی،والدین کے نوکر بن جاؤ تو اللّہ آپ کو دنیا کا بادشاہ بنا دیتا ہے۔ ایک بیان میں شعیب اختر نے بتایا کہ انہوں نے ریٹائرمنٹ کے بعد اپنی ماں کے لیے 11 سال گاڑی چلائی، تین گھنٹے روز اپنی ماں کے لیے ڈرائونگ کی ہے، میری ماں نے جہاں گھومنا ہوتا تھا میں انہیں گھماتا تھا۔سابق ٹیسٹ کرکٹر نے کہاکہ میری ماں جو خواہش کرتی تھیں وہ پوری کرتا تھا، والدین جیسے بھی ہوں ان کی قدر کرنی چاہیے،