ایبٹ آباد (مانیٹرنگ ڈیسک) سابق وزیراعظم اور چیئرمین تحریک انصاف نے ایبٹ آباد میں جلسے سے خطاب کرتے ہوئے کہا کہ ہمارے مخالف کہتے ہیں کہ گرمی زیادہ ہوگئی لوگ نہیں نکلیں گے، عمران خان کا کہنا تھا کہ بیس تاریخ کے بعد جب اسلام آباد کی کال دوں گا، جتنے مرضی کنٹینر کھڑے کردیں، بیس لاکھ لوگ اسلام آباد آئیں گے۔ عمران خان نے خطاب کرتے ہوئے کہا کہ ان کو آپ کے جنون کا خوف ہے، اسلام آباد میں انسانوں کا جنون آنے والا ہے، اسلام آباد میں صرف ایک ہی آواز ہوگی امپورٹڈ حکومت نا منظور، یہ امریکہ سے سازش کرکے ہمارے اوپر بیٹھے ہیں، انھیں پاکستانی قوم کبھی تسلیم نہیں کرے گی۔