کراچی (مانیٹرنگ ڈیسک)عامر لیاقت حسین نے اپنی تیسری بیوی دانیہ پر دوسرے لڑکے کے ساتھ غیر ازدواجی تعلقات کا الزام لگادیا، ثبوت کے طور پر کچھ تصاویر بھی سوشل میڈیا پر شیئر کردیں۔تفصیلات کے مطابق انہوں نے فیس بک پر ایک ویڈیو جاری کی جس میں اہلیہ کے وائس نوٹ اور ساتھ میں ایک لڑکے کے ساتھ تصاویر بھی موجود ہیں۔

عامر لیاقت نے اس کے ساتھ لکھی گئی اپنی تحریر میں کہا کہ آڈیو پیغامات اور عدالت میں تصاویر بھی پیش کروں گا جسے دیکھنے کے بعد روح کانپ اٹھے گی۔ میں شراب پیتا ہوں نہ آئس کا نشہ کرتا ہوں ،چار ماہ کی شادی میں بھوکا رکھنے والا روزانہ ان کی پسند کا کھانا باہر سے منگوا کر کھلاتا تھا۔ڈاکٹر عامر لیاقت نے مزید کہا کہ جس انسان نے زندگی بھر عورت کی عزت و احترام کا درس دیا ہو وہ تشدد کرے گا؟ اور اگر کرتا تھا تو 15دن یہ میرے ساتھ رہیں جس میں ان کی کم عمری کے باعث جب مجھے انہوں نے بتایا کہ یہ ابھی 15 برس کی ہیں میں نے اپنا بستر الگ کرلیا تو تشدد کس وقت کیا؟انہوں نے کہا کہ میڈیکل ٹیسٹس کے ذریعے دوباتیں سامنے آجائیں گی کہ مبینہ طور پر پندرہ برس کی لڑکی ڈیڑھ ماہ سے بہاولپور میں کیسے اس عمل سے گزری کہ شوہر کی غیر موجودگی کے باوجود وہ معاملات جاری رہے جو کہ ممکن نہ تھے ساتھ ساتھ اپنی عمر چھپاکر مجھے جعلی شناختی کارڈ دکھا کر اطمینان دلانے کا جرم اس کے سوا ہے۔عامر لیاقت نے کہا کہ آج مجھ پر تشدد کا جھوٹا الزام لگا کر حدود میں رہتے ہوئے وہ حقیقت بیان کرنے پر مجبور کردیا جو میں کرنا نہیں چاہتا تھا ان چار ماہ میں چونکہ ان کے گھر میں کمانے والا کوئی نہ تھا میں معاشی حالات کی مجبوری کے باوجود ان کی والدہ کوماہانہ دولاکھ روپے بھجواتارہا جبکہ ایک لاکھ روپے ان کو جیب خرچ دیتا رہا۔انہوں نے دانیہ شاہ کے تشدد اور نشہ کرنے کے الزام پر اپنے دفاع میں واٹس ایپ کے سکرین شاٹ شیئر کیے جس میں دانیہ انہیں اسے واپس لے جانے کا کہہ رہی ہے۔ عامر لیاقت کے مطابق یہ تنسیخ نکاح کا دعویٰ دائر کرنے سے ایک روز پہلے کی بات ہے۔دوسری جانب عامر لیاقت نے 11 کروڑ روپے حق مہر کے دعوے پر کہا کہ حق مہر ڈھائی لاکھ روپے مقرر کیا گیا تھا جو کہ باقی بیویوں کے ساتھ بھی یکساں تھا۔

نشہ کر کے تشدد کرنے والے ظالم شوہہر پرتنسیخ نکاح کے دعوے سے ایک روز قبلُ یہ مظلوم لڑکی اپنے شوہر کو پہاولپور بلاُُرہی تھی کہ آکر لے جائے مکمل تفصیلات فیس بک اور انسٹا پر ہیں انسٹا پرہیں بہت مجبور ہو کر گھٹیا الزامات کے جواب کی خاطر گھر کا سچ بتا رہا ہوں معذرت چاہتا ہوں pic.twitter.com/THwiwCtXmY

— Aamir Liaquat Husain (@AamirLiaquat) May 7, 2022

موضوعات:عامر لیاقت