کراچی(آئی این پی)پاکستان پیپلز پارٹی نے ایم کیو ایم کو سندھ میں تین وزارتیں دینے کا فیصلہ کر لیا ، ایم کیو ایم کو انفارمیشن ٹیکنالوجی، وزارت صنعت اور ہائیر ایجوکیشن دینے کا فیصلہ کیا گیا جبکہ مرتضی وہاب کو مشیر داخلہ سندھ بنانے کا فیصلہ کیا گیا ہے۔ایڈمنسٹریٹر کراچی اور ایڈمنسٹریٹر حیدر آباد بھی ایم کیو ایم کو دینے کا فیصلہ کیا گیا ہے، نسرین جلیل کا نام گورنر سندھ کے لئے فائنل کر لیا گیا، پیپلز پارٹی نے اپنے فیصلوں سے ایم کیو ایم قیادت کو آگاہ کر دیا۔ایم کیو ایم وزارتوں کے لئے نام فائنل کر کے پیپلز پارٹی کو دے گی، صوبائی وزرا کا حلف آئندہ ہفتے ہونے کا امکان ہے۔

موضوعات:وزارتیں