اسلام آباد (این این آئی)وزیر خزانہ مفتاح اسماعیل پیٹرولیم لیوی میں اضافے سے متعلق تحریک انصاف کی، سابقہ حکومت کا آئی ایم ایف سے معاہدہ سامنے لے آئے۔معاہدے کے مطابق عمران خان کی حکومت نے آئی ایم ایف کو آگاہ کیا کہ نومبر 2021 میں پیٹرولیم ڈیولپمنٹ لیوی میں 4 روپے فی لیٹر کا اضافہ کردیا گیا ہے، یہ اضافہ اس وقت تک جاری رہے گا جب تک لیوی 30 روپے فی لیٹر تک نہ پہنچ جائے۔اس سے قبل سابق وزیر خزانہ شوکت ترین نے کہا تھا کہ انہوں نے آئی ایم ایف کو جون 2022 سے پہلے پیٹرولیم مصنوعات کی قیمتوں میں اضافے کی یقین دہانی نہیں کرائی تھی۔