لاہور (آن لائن) فیڈرل بورڈ آف ریونیو (ایف بی آر )نے سابق وزیر خارجہ شاہ محمود قریشی کی اہلیہ مہرین قریشی پر 10لاکھ 19ہزار500روپے انکم ٹیکس عائد کرتے ہوئے انہیں نوٹس جاری کر دیا ہے۔ شاہ محمود قریشی کی اہلیہ پر الزام عائد ہے کہ انہوں نے سال 2016ء میں پچاس لاکھ روپے سے زائد مالیت کی ایک او ڈی گاڑی خریدی جو محکمہ ایکسائز اینڈ ٹیکسیشن پنجاب کے دفاتر میں مہرین قریشی ہی کے نام سے رجسٹر ہے مگر مہرین قریشی نے اپنے ٹیکس گوشواروں میں مذکورہ گاڑی کو ایف بی آر سے چھپائے رکھا جبکہ ایف بی آر کا کہنا ہے کہ انہوں نے مہرین قریشی کو چار مرتبہ نوٹسز بھیجے لیکن مہرین قریشی نے ان نوٹسز پر کوئی جواب داخل نہیں کروایا ۔