اسلام آباد (این این آئی) وزیراعظم شہباز شریف نے ملک میں چینی کی موجودہ قیمت پر اطمینان کا اظہار کرتے ہوئے کہا ہے کہ تین سال بعد ملک میں چینی کی قیمت میں کمی ہوئی ہے جو کہ عوام کے لیے ایک ریلیف ہے۔وزیراعظم شہبازشریف سے وفاقی وزیر خزانہ مفتاح اسماعیل نے اسلام آباد میں ملاقات کی جس میں میں سیکرٹری خزانہ بھی شریک ہوئے ۔وزیراعظم نے ملک میں چینی کی موجودہ قیمت پر اطمینان کا اظہار کرتے ہوئے کہا کہ تین سال بعد ملک میں چینی کی قیمت میں کمی ہوئی ہے جو کہ عوام کے لیے ایک ریلیف ہے۔ وزیراعظم شہبازشریف نے گندم کی خریداری کے حوالے سے پاسکو کو کیش کریڈٹ کے حوالے سے سہولیات دینے کی ہدایت بھی جاری کیں۔