ممبئی (این این آئی) بھارت میں عید پارٹی پر بلائے گئے ایک شخص نے پونے دو لاکھ روپے کی مالیت کے زیورات نگل لئے۔ بھارتی میڈیا رپورٹ کے مطابق چنئی کے ایک 32سالہ شخص نے منگل 3مئی کو ایک دوست کی عید پارٹی میں شرکت کی۔رپورٹس کے مطابق پارٹی دینے والا شخص جیولر تھا جس نے اپنی سہیلی اور اس کے بوائے فرینڈ عبداللہ کو عید کے موقع پر دعوت دی تھی۔دعوت ختم ہونے اور مہمانوں کے جانے کے بعد میزبان نے دیکھا کہ الماری سے ہیروں کا ہار، سونے کی چین اور ہیرے کا لاکٹ غائب تھا۔ مہمانوں سے پوچھ گچھ کے بعد اسے شبہ ہوا کہ عبداللہ نے زیورات چوری کیے ہیں اور اس نے پولیس اسٹیشن میں شکایت درج کرائی۔بدھ 4مئی کو جب عبداللہ سے پوچھ گچھ کی گئی تو اس نے اعتراف جرم کرتے ہوئے کہا وہ یہ زیورات نگل چکا ہے۔ پولیس نے اس کے پیٹ کو اسکین کرنے کے بعد تصدیق کی کہ زیورات ابھی تک وہاں موجود ہیں۔ڈاکٹروں نے اسے انیما دیا اور جمعرات کو اس کے پاس سے 95000روپے مالیت کا ہار اور 25000روپے کا سونا برآمد ہوا۔