کراچی (این این آئی)مشیر زراعت منظور وسان نے کہا ہے کہ الیکشن فروری 2023 کے پہلے ہفتے میں ہوتے دیکھ رہا ہوں، پی ٹی آئی والوں کا احتساب ضرور ہو گا پہلے کہا تھا عمران خان، شیخ رشید اڈیالہ اور خیرپور جیل جائیں گے۔اپنے بیان میں منظور وسان نے کہا کہ اب کہتا ہوں کہ یہ دونوں مچھ جیل جائیں گے شیخ رشیدغریب آدمی ہے اسے کون مارے گا حکومت کسی کو مارنیکا ارادہ نہیں رکھتی۔مشیرزراعت نے کہا کہ دھرنے دھرنے ہی ہوتے ہیں دھرنوں سے حکومتیں نہیں جاتی عوام نے عمران خان کوغلط پالیسیوں کی وجہ سے رد کیا نئی حکومت آٹے اورگھی کی قیمتوں میں کمی لائی ہے۔