لاہور (مانیٹرنگ ڈیسک) اداکارہ میرا نے بھی لاہور سے اسلام آباد تک لانگ مارچ کرنے کا اعلان کر دیا ہے، ان کا کہنا تھا کہ سیاست دان اپنی سیٹ بچانے کے لیے اور اپنے مفاد کے لیے لانگ مارچ کرتے اور میں اپنی عوام کی فلاح وبہبود کے لیے لانگ مارچ کروں گی،ان کا کہنا تھا کہ عید کے بعد میں اور میرے ساتھی فنکار لاہور سے اسلام آباد لانگ مارچ کریں گے جس میں شفقت بیگم ٹرسٹ کیلئے فنڈ اکٹھا کیا جائے گا اور اس سے غریب لوگوں کے لئے فری ہسپتال بنایا جائے گا، انہوں نے خواہش کا اظہار کیا کہ میں ایک سال کے اندر ہسپتال مکمل کرنا چاہتی ہوں، ان کا کہنا تھا کہ ساتھی فنکاروں سے بات ہو چکی ہے اور عید کے بعد ہم سب مل کر اسلام آباد تک مارچ کریں گے اور فنڈ اکٹھا کریں گے۔