راولپنڈی (مانیٹرنگ ڈیسک) حنیف عباسی نے شیخ رشید کی وِگ اتارنے والے کیلئے بڑے انعام کا اعلان کر دیا، وزیراعظم کے معاون خصوصی حنیف عباسی نے میڈیا سے بات چیت کرتے ہوئے کہا کہ میڈیا کا مشکل وقت میں ساتھ دینے پر شکریہ ادا کرتا ہوں،جیل میں رہا تو گھر اور دیگر معاملات پر ساتھ دینے والوں کا مشکور ہوں، ان کا کہناتھا کہ مسجد نبوی میں پلاننگ کے بعد واقعہ پیش آیااور اس کی پلاننگ عمران نیازی اور شیخ رشید نے کی۔ مسلم لیگ ن کے رہنما نے کہاکہ مریم اورنگزیب اور شاہ زین بگٹی کے ساتھ جو ہوا ان دونوں کو اس کا ثواب ہوا ہوگا، ان کا کہنا تھا شیخ رشید راولپنڈی کی جس شادی، گلی پروگرام میں جاؤ گے توتمہیں گندے انڈے ٹماٹر اور جوتے پڑیں گے، حنیف عباسی کا کہنا تھا کہ شیخ رشید کی جو وگ اتار کے لائے گا اسے 50 ہزار انعام دوں گا۔