اسلام آباد (این این آئی)حکومت نے عوام کو پٹرولیم مصنوعات کی قیمتوں میں اربوں روپے کی سبسڈی فراہم کی ۔ ذرائع کے مطابق حکومت نے اوگرا کو آئندہ 15 یوم کیلئے پٹرول اور ڈیزل پر پرائس ڈیفرنشل کلیم کا تعین کرنے کی ہدایات جاری کر دیں ،حکومت اس وقت پٹرول
پر 29 روپے 60 پیسے فی لیٹر اور ڈیزل کی فی لیٹر قیمت میں 73 روپے 4 پیسے سبسڈی دے رہی ہے ،مٹی کے تیل پر 43 روپے 16 پیسے فی لیٹر جبکہ لائٹ ڈیزل آئل پر 64 روپے 70 پیسے فی لیٹر سبسڈی فراہم کی جارہی ہے ،پٹرول اور ڈیزل پر اس وقت لیوی اور جی ایس ٹی صفر ہے ،اوگرا کو ہدایت کی گئی کہ آئندہ پندرہ یوم کیلئے سبسڈی کا تعین کرنے کے بعد منظوری کیلئے فوری طور پر ای سی سی کو بھجوایا جائے ۔دوسری جانب وزیراعظم شہباز شریف آئل ایند گیس ریگولیٹری اتھارٹی (اوگرا) کی سمری مسترد نہ کرتے تو پیٹرول 245 روپے فی لیٹر ہو جاتا۔میڈیا رپورٹ کے مطابق اوگرا کی جان سے پیٹرول 95 روپے فی لیٹر اور ڈیزل 145 روپے لیٹر بڑھانے کی سمری بھیجی گئی تھی جسے وزیراعظم نے مسترد کر دیا تھا۔وزیراعظم شہباز شریف نے اوگرا کی سمری مسترد کرتے ہوئے پیٹرول، ڈیزل، لائٹ ڈیزل اور مٹی کے تیل کی قیمتیں برقرار رکھنے کا فیصلہ کرتے ہوئے عوام کو عید کا تحفہ دیا۔ذرائع پیٹرولیم ڈویژن کے مطابق اگر وزیراعظم اوگرا کی سمری منظور کر لیتے تو پیٹرول کی قیمت 245 روپے فی لیٹر اور ڈیزل کی قیمت 300 روپے فی لیٹر سے تجاوز کر جاتی۔
