اسلام آباد (این این آئی)اپریل کے دوران مہنگائی کی شرح میں 1.61 فیصد اضافہ ریکارڈ کیا گیا۔وفاقی ادارہ شماریات نے مہنگائی کے تازہ ترین اعدادوشمار جاری کردیئے جس کے مطابق اپریل 2021ء کے مقابلے میں اپریل 2022ء کے دوران مہنگائی 13.37 فیصد رہی،اپریل تا اپریل 2020ـ21ء کے مقابلے میں جولائی تا اپریل 2021ـ22ء کے دوران مہنگائی 11.04 فیصد رہی،ایک ماہ میں ٹماٹر 51.53، پیاز 42.83 اور پھل 21.07 فیصد مہنگے ہوئے،سبزیاں 14.41، خوردنی تیل 11.35، ویجی ٹیبل گھی 8.25، چنے 5.67 اور دال مسور 1.13 فیصد مہنگی ہوئی،چکن 9.40 فیصد، گڑ 1.23 اور چینی 0.70 فیصد سستی ہوئی،بجلی 7.84 فیصد، لیکوفائیڈ ہائیڈروکاربن 3.75 اور فیول 1 فیصد سستا ہوا،ایک سال میں ٹماٹر 124، مسٹرڈ آئل 61، پیاز 61، خوردنی تیل 60 اور فیول 39 فیصد مہنگا ہوا،گھی 58، مسور دال 40، چنے اور پھل 30، گوشت 25 اور آٹا 18 فیصد مہنگا ہوا،ایک سال میں دال مونگ 26، آلو 21، انڈے 19، مسالحہ جات 16 اور چینی 9.67 فیصد سستی ہوئی