ابوظہبی (این این آئی)متحدہ عرب امارات میں عوام کو عیدالفطر کے پرمسرت موقع پر پیٹرولیم مصنوعات کی قیمتیں کر کے عید کا تحفہ دیا گیا ہے۔اماراتی میڈیا کے مطابق ماہِ مئی کے لیے پیٹرولیم مصنوعات کی قیمتیں کم ہو گئیں۔فیول پرائس کمیٹی نے آئندہ ماہ کے لیے پیٹرول اور ڈیزل کی نئی قیمتوں کا اعلان کردیا جس کا اطلاق آج (یکم مئی) سے ہو گیا ۔ سپر98پیٹرول کی قیمت 3.74 درہم سے کم کر کے 3.66 درہم فی لیٹر مقرر کی گئی۔ اسپیشل 95 پیٹرول کی قیمت کمی کے بعد 3.55 درہم فی لیٹر مقرر کی گئی۔ای پلس 95 پیٹرول کی قیمت کم ہو کر 3.48 لیٹر پر آگئی ہے البتہ ڈیزل کی قیمت میں معمولی اضافہ ہوا ہے۔ ڈیزل کی فی لیٹر قیمت 4.08 درہم مقرر کی گئی ہے۔