کراچی (این این آئی)جامعہ کراچی کے انسٹیٹیوٹ آف اسپیس سائنس اینڈ ٹیکنالوجی کے سربراہ پروفیسر جاوید اقبال نے کہا ہے کہ پاکستان میں 29 رمضان المبارک اتوار، یکم مئی کو چاند نظر آنے کا کوئی امکان نہیں ہے۔ پروفیسر جاوید اقبال نے کہا کہ اتوار کی شام جب سورج غروب ہوگا تو وہ 6.7 ڈگری پر ہوگا اور دوربین سے بھی نہیں دیکھا جاسکے گا، چاند نظر آنے کے لیے 8 ڈگری ہونا چاہیے، لہذا پاکستان کے کسی بھی حصے میں اتوار کو چاند نظر نہیں آئے گا۔انہوں نے کہا ہے کہ اسی لیے عید کا چاند پیر دو مئی کو نظر آئے گا اور پورے 30 روزے ہوں گے۔پروفیسر جاوید اقبال کے مطابق یکم شوال یعنی عید الفطر منگل 3 مئی کو ہوگی۔