اسلام آباد ( آن لائن) پیپلز پارٹی کی نائب صدر پیپلز پارٹی سینیٹر شیری رحمان نے عمران خان کے خطاب پر ردعمل دیتے ہوئے کہا کہ وہ قوم کو گمراہ کر رہے ہیں، کسی سازش کے نتیجے میں نہیں ان کی نااہل حکومت کو آئینی طریقے کار سے ہٹایا گیا،

عمران خان آج تک یہ نہیں بتا سکے ان کی حکومت نے ملک و عوام کے لئے کیا کیا، ان کی نااہلی اور نالائقی کی وجہ سے ملک میں دہشتگردی اور لوڈشیڈنگ واپس آ گئی ہے،سازش کا بیانیہ ناکام ہو چکا ہے، قوم ان سے مہنگائی، بے روزگاری اور بدحالی کا حساب لے گی،شیری رحمان نے مزید کہا کہ سیاسی جماعتوں پر الزام لگانا کے بعد عمران خان نے آج میڈیا پر پیسے لینے کا الزام لگایا ہے، ان کی سیاست جھوٹ اور الزام تراشی پر مبنی ہے، میڈیا ڈویلپمینٹ اتھارٹی بنانے والے، پیکا آرڈیننس لانے والے اور آصف علی زرداری کا انٹریو روکنے والے آج میڈیا کی آزادی اور سنسرشپ کی بات کر رہے،عمران خان کے دور حکومت میں غیر ملکی قرضے 54 ارب ڈالر تک پہنچ گئے، بیرونی قرضوں پر ملک چلانے والے کس منہ سے آج آزادی اور خودمختاری کی باتیں کر رہے،عمران خان چھپے الفاظ میں کہہ رہے کہ فیصلہ ان کے حق میں سنایا جائے ورنا دھرنا دونگا، عمران خان الیکشن کمیشن پر غیر جانبداری کا الزام لگا کر این آر او مانگ رہے ہیں۔