بغداد(این این آئی)عراق کے سینئر عہدیدار نے کہاہے کہ ایران اور سعودی عرب کے درمیان گزشتہ ماہ سے تعطل کا شکار اہم مذاکرات دوبارہ شروع ہوگئے ہیں۔عرب ٹی وی کے مطابق تفصیلات بتائے بغیر عہدیدار نے کہا کہ مذاکرات گزشتہ ہفتے جمعرات سے بغداد میں دوبارہ شروع ہوئے ہیں۔ایرانی میڈیانے تصدیق کرتے ہوئے کہا کہ ایران کے سپریم نیشنل سیکیورٹی کونسل کے سینئر عہدیداران نے سعودی انٹیلی جنس ایجنسی کے سربراہ سے ملاقات میں شرکت کی۔ توقع ہے کہ مستقبل قریب میں دونوں ممالک کے وزرائے خارجہ کے درمیان ایک مشترکہ ملاقات ہوگی۔ان کاکہنا تھا کہ حالیہ ملاقات کے مثبت ماحول نے دو طرفہ تعلقات کی بحالی کی امیدیں بڑھا دی ہیں۔