لاہور( این این آئی)گورنر پنجاب چوہدری سرور نے کہا ہے کہ منخرف ارکان کے پیسے لینے والی بات درست نہیں لگتی، امید ہے تحریک انصاف کے ٹکٹ پر آنے والے پارٹی کی مخالفت میں ووٹ نہیں دیں گے ۔نجی ٹی وی کے مطابق چوہدری سرور کا کہنا تھا کہ تحریک عدم اعتماد کا فیصلہ اب پارلیمنٹ میں ہی ہوگا، اپوزیشن 172 ووٹ پورے کرلے تو پھر ہی وہ کامیاب ہوگی۔انہوں نے کہا کہ سپریم کورٹ سے رہنمائی لینے پر کسی کو اعتراض نہیں ہونا چاہیے، ہارس ٹریڈنگ کی سزا پر سپریم کورٹ سے تشریح ضروری ہے، صدارتی ریفرنس دائر کرنا شکست تسلیم کرنا نہیں۔