قاہرہ (این این آئی )مصر کے سقرہ میں 2270 قبل مسیح کے پانچ فرعونی مقبروں کی نقاب کشائی کی گئی۔سقرہ قدیم مصری دارالحکومت میمفس کا ایک وسیع و عریض قبرستان ہے جو یونیسکو کے عالمی ثقافتی ورثے میں شامل ہے۔میڈیارپورٹس کے مطابق ماہرین آثار قدیمہ نے یہ قدیم مقبرے دریافت کیے ہیں جو محفوظ شدہ پینٹنگز سے مزین ہیں۔مصر کی سیاحت اور نوادرات کی وزارت نے کہا کہ یہ مقبرے پرانی بادشاہی دور کے اعلی حکام کے ہیں جو چار ہزار سال سے زیادہ پرانے ہیں۔ ان میں پتھر کے بڑے تابوت، لکڑی کے تابوت اور چھوٹے مجسمے جبکہ مٹی کے برتن سمیت دیگر نوادرات بھی موجود تھے۔