اسلام آباد (این این آئی) پاکستان پیپلز پارٹی کے رہنما سید خورشید احمد شاہ نے تحریک عدم اعتماد پر دو سو ارکان کی حمایت حاصل کرنے کا دعویٰ کیا ہے ۔ اپنے بیان میں سید خورشید شاہ نے کہاکہ تحریک عدم اعتماد پر اپوزیشن کے نمبر دو سو کے قریب ہوں گے،،اکیس مارچ اجلاس بلانے کی آخری تاریخ ہے ،اکیس تاریخ کو تحریک پیش نہیں ہونے دی
تو یہ آئین کی خلاف ورزی ہوگی ۔ انہوںنے کہاکہ آئین کی خلاف ورزی پر جو اسپیکر کے خلاف آئین شکنی کی سزا لاگو ہوگی، آئین کی خلاف ورزی اسپیکر کو بھگتنی پڑے گی۔ انہوںنے کہاکہ تحریک انصاف کے کارکنان کی سندھ ہاوس میں داخل ہونے کی بدترین مثال آپ کو کبھی نہیں ملے گی، یہ حکومت کی گھبراہٹ کی نشانی ہے۔
