اسلام آباد (این این آئی)وفاقی وزیراطلاعات و نشریات فواد چوہدری نے کہا ہے کہ سندھ ہاؤس کو نیا چھانگامانگا بنائیں گے تو عوام کی نفرت کا سامنا کرنا پڑے گا۔سندھ ہاؤس اسلام آباد پر تحریک انصاف کے دو ارکان قومی اسمبلی کی جانب سے کارکنوں کے ہمراہ حملے پر ردعمل دیتے ہوئے فواد چوہدری نے کہا کہ جوں ہی واقعے کا علم ہوا سیکرٹری جنرل پی ٹی آئی اسد عمر نے کارکنان کو
تحمل اور بْردباری کا درس دیتے ہوئے سندھ ہاؤس خالی کرنے کا کہا تاہم سچ یہ ہے عوام کے جذبات سے کھیلنا بند کریں اور عوام کے مینڈیٹ کا احترام کریں۔فواد چوہدری نے کہا کہ سندھ ہاؤس ایک بہت ہی حساس علاقے میں ہے جہاں چیف جسٹس ہاؤس، وزراء کالونی اور اہم رہائش گاہیں ہیں، پیپلز پارٹی اور ن لیگ لوٹوں کو کہیں اور شفٹ کر لے ورنہ پورا مہینہ تماشہ لگا رہے گا ہم کس کس کو روکیں گے۔
