ممبئی (این این آئی)بالی وڈ سپر اسٹار شاہ رخ خان کو انڈسٹری میں کنگ خان کہا جاتا ہے اور ان کی شہرت نہ صرف بھارت بلکہ دنیا بھر میں ہے،۔ان کی پہلی تنخواہ کے حوالے سے بھارتی میڈیا میں ایک دلچسپ کہانی سامنے آئی ہے جس کا انکشاف خود اداکار نے کیا تھا۔بھارتی میڈیا کے مطابق شاہ رخ خان نے انکشاف کیا کہ ان کی پہلی آمدنی 50 روپے تھی جسے لے کر وہ تاج محل پہنچ گئے،

ٹکٹ خریدنے کے بعد ان کے پاس صرف اتنے پیسے تھے کہ وہ ایک لسی خرید سکتے تھے۔شاہ رخ خان نے کہا جب لسی خریدلی تو اس میں مکھی گرگئی، انہوں نے لسی سے مکھی نکالی اور پی لی جس کے بعد وہ پورے راستے الٹیاں کرتے رہے۔بالی ووڈ کنگ نے کہا کہ انہیں انڈسٹری میں پہچان بنانے کیلئے آغا ز میں خاصی مشکلات کا سامنا کرنا پڑا۔