لاہور( این این آئی)مسلم لیگ (ق)کے سربراہ چوہدری شجاعت حسین نے پہلی تحریک عدم اعتماد ہے جس میں کوئی ووٹ خرید رہا ہے نہ بیچ رہا ہے، یہ محض پراپیگنڈہ ہے۔حکومت تو ہمیشہ جلسے جلوس روکنے کی کوشش کرتی ہے، اپیل ہے کہ حکومت، اپوزیشن جلسے

، جلوسوں کا پروگرام ملتوی کردیں۔اپنے بیان میں انہوںنے کہا کہ پہلی بار ہوا ہے کہ حکومت اور اپوزیشن ایک ہی ایشو پر جلسہ کررہے ہیں، اپوزیشن حکومتی اعلانات دیکھ کر ہی جلسوں پر اصرار کررہی ہے، جلسے جلوسوں میں کوئی مر گیا یا مروا دیا گیا تو سب پچھتائیں گے۔چوہدری شجاعت نے کہا کہ وفاقی وزیر کہتے ہیں 10 لاکھ کا مجمع سے گزر کر عمران خان کے خلاف ووٹ ڈالنا ہوگا، کوئی ووٹ ڈالنے کا فیصلہ کرلے تو دس کروڑ کا مجمع بھی نہیں روک سکتا ہے۔انہوںنے کہا کہ ٹی وی اور اخباروں میں آرہا ہے کہ نوٹوں کی بوریاں کھل گئی ہیں، وزیراعظم نے سندھ ہائوس میں نوٹوں کی بوریاں کھلنے کا ذکر کیا ہے۔پہلی تحریک عدم اعتماد ہے جس میں کوئی ووٹ خرید رہا ہے نہ بیچ رہا ہے، یہ محض پروپیگنڈا ہے۔