پشاور(مانیٹرنگ ڈیسک ) جمعیت علمائے اسلام نے خیبر پختونخوا سے لانگ مارچ میں شرکت کیلئے اسلام آباد جانے والے قافلے کی سکیورٹی کیلئے انصار الاسلام کے 10ہزار رضا کار تیار کرلئے ۔ قومی موقر نامے کے مطابق صوبہ کے مختلف اضلاع کے قافلو ں کی قیادت مرکزی صوبائی قائدین، منتخب ارکان اور بلدیاتی نمائندے کریں گے،
جے یو آئی نے اسلام آباد لانگ مارچ کی تیاریوں کو حتمی شکل دینے کیلئے18، 19اور20مارچ کو خیبر پختونخوا کے وسطی اور جنوبی اضلاع کے اجلاس طلب کرلئے ہیں۔ اس سلسلے میں جے یو آئی خیبر پختونخوا کی مجلس عاملہ کا اجلاس صوبائی امیر مولانا عطا الرحمان کی صدارت میں جمعیت سیکرٹریٹ پشاور میں منعقد ہوا ۔
