اسلام آباد (مانیٹرنگ/این این آئی) پاکستان ڈیموکریٹک الائنس کے سربراہ مولانا فضل الرحمان نے ہم نیوز سے بات چیت کرتے ہوئے کہا کہ اپوزیشن کے پاس نمبرز پورے ہیں، انہوں نے تعداد کا انکشاف کرتے ہوئے کہا کہ اس وقت اپوزیشن کے پاس 190 ارکان ہیں، ان کا کہنا تھا کہ اپوزیشن جماعتیں سول نافرمانی سمیت کسی بھی حد تک جا سکتی ہیں۔

دوسری جانب قومی اسمبلی اپوزیشن لیڈر شہباز شریف نے او آئی سی کے اجلاس سے مکمل یکجہتی کا اعلان کرتے ہوئے کہاہے کہ قطع نظر کے بدترین حکومت ہے،ہماری سیاسی اختلاف ہیں۔ بدھ کو اپوزیشن لیڈر شہباز شریف اور جے یو آئی (ف) کے سربراہ مولانا فضل الرحمن کے درمیان ملاقات ہوئی جس میں مختلف امورپر تبادلہ خیال کیا گیا۔ میڈیا سے بات چیت کے دور ان صحافی نے لانگ مارچ بارے مولانا فضل الرحمن سے سوال کیاکہ سنا ہے دونوں جانب سے لانگ مارچ اور جلسہ منسوخ ہو جائے گا؟ جس پر مولانا فضل الرحمن نے کہاکہ آپ اپنا سوال اپنے پاس رکھیں۔ انہوں نے کہاکہ لانگ مارچ کے حوالے سے کون کہاں سے نکلے گا اس سوال کا جواب ابھی آپکو نہیں ملے گا۔ مولانا فضل الرحمان نے کہاکہ آصف زداری کو لانگ مارچ می شرکت کی دعوت دینے جانا تھا،انکی مہربانی ہے وہ میرے پاس تشریف لائے۔ انہوں نے کہاکہ لانگ مارچ کی دعوت دینے سے قبل آصف زرداری نے کہا میں یہ پہلے ہی قبول کر چکا ہوں۔ اپوزیشن لیڈر شہبا زشریف نے کہاکہ 23 مارچ کو او آئی سی کے مہمان یہاں آئینگے،پاکستان میزبانی کرہا ہے،قطع نظر کے بدترین حکومت ہے،ہماری سیاسی اختلاف ہیں۔ انہوں نے کہاکہ ہماری دعا ہے کہ او آئی سی کی کانفرنس کامیاب ہو،او آئی سی کے اجلاس سے مکمل یکجہتی کا اعلان کرتے ہیں۔ ایم کیو ایم اور اپوزیشن نے موجودہ سیاسی صورتحا ل پر مذاکرات جار ی رکھنے پر اتفاق کیا ہے۔اپوزیشن لیڈر شہباز شریف نے ایم کیو ایم رہنماوں کے ساتھ ملاقات کی جس میں سربراہ پی ڈی ایم مولانا فضل الرحمان،ایم کیو ایم کی جانب سے خالد مقبول صدیقی، سید امین الحق، عامر خان اور اظہار الحسن شریک ہوئے،ملاقات میں شاہد خاقان عباسی، احسن اقبال، مریم اورنگزیب بھی موجود تھیں۔ ملاقات کے بعد میڈیا سے گفتگو کرتے ہوئے اپوزیشن لیڈر میاں شہباز شریف نے کہاکہ اتحادیوں سے بات چیت جاری ہے، جلد فیصلہ ہوجائے گا۔