اسلام آباد (این این آئی)اسلام آباد ائیر پورٹ پر مسافروں اور ان کے عزیز و اقارب کی جانب سے گندگی پھیلائے جانیکی ویڈیو سوشل میڈیا پر وائرل ہوگئی۔انسٹاگرام پر صارف کی جانب سے ائیرپورٹ کی ایک ویڈیو شیئر کی گئی جس میں ائیرپورٹ پر ڈسٹ بن کی موجودگی کے باوجود ریلنگ میں ڈالا گیا اچھا خاصا کچرا دیکھا جاسکتا ہے۔صارف نے ویڈیو میں ائیرپورٹ ریلنگ میں کچرا دکھایا اور گندگی پھیلانے والے لوگوں کو
کھری کھری بھی سنادی۔صارف نے برہمی کا اظہار کرتے ہوئے کہا کہ کتنے شرم اور افسوس کی بات ہیکہ چند قدم دوری پر رکھے گئے ڈسٹ بن کے باوجود کچرا ریلنگ میں ڈالا جاتا ہے، ائیر پورٹ کے ہر کارنر پر ایک ڈسٹ بن موجود ہے لیکن اس کے باوجود کچرا ان ریلنگ میں ہی ڈالا جاتا ہے اس طرح ہم بتاتے ہیں کہ ہم پاکستانی ہیں۔صارف کا کہنا تھا کہ اگر ہم اس طرح نہیں کریں گے تو کیسے پتا چلے گا کہ ہم پاکستانی ہیں۔
