سڈنی(این این آئی)آسٹریلیا کے سابق کپتان مارک انتھونی ٹیلر نے پاک آسٹریلیا ٹیسٹ میں ڈیڈ پچز بنانے پر تنقید کرتے ہوئے کہاہے کہ پاکستانی بولرز کے پاس تیز رفتار سے بولنگ کرانے کی صلاحیت ہے، پاکستان کی ٹیم مینجمنٹ نے اپنے فاسٹ بولرز کو بیک نہیں کیا۔مارک ٹیلر نے ایک بیان میں کہا کہ راولپنڈی اور کراچی ٹیسٹ میں پچز سڑک کی مانند تھیں، پاکستانی بولرز کے پاس تیز رفتار سے بولنگ کرانے کی صلاحیت ہے، پاکستان کی ٹیم مینجمنٹ نے اپنے فاسٹ بولرز کو بیک نہیں کیا۔مارک ٹیلر نے کہا کہ میں امید کررہا تھا کہ دورہ پاکستان پر اچھی پچز دیکھنے کو ملیں گی اور دونوں ٹیموں کے درمیان کانٹے دار مقابلہ ہوگا تاہم موجودہ ٹیسٹ میچوں کی پچز بولنگ کو مدد کرتی نہیں دکھائی دے رہیں۔انہوں نے کہا کہ آسٹریلیا کو دیکھ کر لگ رہا ہے کہ ٹیم پاکستان میں جیتنے کیلئے آئی ہے۔

موضوعات:مارک انتھونی ٹیلر