پیرس، برسلز (مانیٹرنگ ڈیسک) فرانس نے روس کا بحری جہاز قبضے میں لے لیا ہے، روس پر عائد پابندیوں کی خلاف ورزی کرنے پر فرانس نے روس کے کارگو جہاز کو اپنے قبضے میں کر لیا ہے، اس حوالے سے فرانس میں روس کے سفارت خانے کا کہنا ہے کہ انگلش چینل

میں روس کے کارگو جہاز کو پکڑ لیا گیا ہے۔ دوسری جانب نیٹو کے رہ نماؤں نے کہا ہے کہ انہوں نے مشرقی یورپ میں مزید فوجی بھیجنا شروع کر دئیے۔روس نے یوکرین کے حوالے سے جھوٹ بولا ہے۔میڈیارپورٹس کے مطابق سکریٹری جنرل جینز اسٹولٹن برگ کی زیر صدارت ورچوئل سمٹ کے بعد 30 رہ نماؤں نے ایک مشترکہ بیان میں کہا کہ روسی حکومت کی طرف سے پھیلائی جانے والی جھوٹی افواہوں سے کسی کو دھوکہ نہیں دینا چاہئے۔بیان میں مزید تفصیلات بتائے بغیر مزید کہا گیا کہ اب ہم اتحاد کے مشرقی حصے میں بڑی اضافی دفاعی افواج بھیج رہے ہیں۔روس پرمزید یورپی پابندیوں میں کونسل آف یورپ نے روس کی رکنیت معطل کر دی اور کونسل یورپی انسانی حقوق کی سب سے اہم تنظیم ہے۔کونسل جو کہ 47 رکن ممالک پر مشتمل ہے نے کہا کہ روس اب بھی اس کا رکن ہے اور اس کی رکنیت معطل اور ختم نہیں کی گئی اور اس کے مطابق روس اب بھی انسانی حقوق کے ان معاہدوں کا پابند ہے جن پر اس نے کونسل کے فریم ورک کے اندر دستخط کیے تھے۔