اسلام آ باد (مانیٹرنگ ڈیسک )اپوزیشن جماعتوں کی جانب سے وزیر اعظم عمران خان کیخلاف عدم اعتماد کی تحریک کیلئے رابطوں کے جواب میں حکومتی کیمپ بھی متحرک ہوگیا ہے۔تفصیلات کے مطابق اسپیکر قومی اسمبلی اسدقیصر نے مسلم لیگ ق کے وزیر مونس الہیٰ سے رابطہ کیا ۔
روزنامہ جنگ میں شائع رانا غلام قادر کی رپورٹ کے مطابق کئی وزراء بھی تحریک عدم اعتماد کو ناکام بنا نے کیلئے متحرک ہوگئے ہیں ۔ اپنے ناراض ارکان کو منا یا جا رہا ہے۔ ذ رائع کے مطا بق وزیر اعظم عمران خان روس کے دورے سے واپسی پر اتحادی جماعتوں سے رابطے کریں گے ۔ وزیر اعظم ایم کیو ایم ‘ مسلم لیگ ق اور جی ڈی کی قیادت سے رابطے کریں گے۔ وزیر اعظم کے جہانگیر خان ترین سے بھی رابطہ کا امکان ہے جس کیلئے مشترکہ دوست سر گرم عمل ہیں ۔ وزیر اعظم کے رفقاء نے انہیں مشورہ دیا ہے کہ وہ جہانگیر ترین سے را بطہ کریں جن کا کردار فیصلہ کن ہوسکتا ہے۔
