ممبئی (این این آئی)سابق بھارتی کرکٹرز ہربھجن سنگھ اور عرفان پٹھان اس ہفتے ’کون بنے گا کروڑ پتی 13‘ میں نظر آئیں گے۔ ’کون بنے گا کروڑ پتی 13‘ کے نئے پرو مو میں ہربھجن سنگھ اور عرفان پٹھان امیتابھ بچن کے ساتھ کرکٹ کھیلتے ہوئے نظر آرہے ہیں۔ہربھجن سنگھ، امیتابھ بچن کو گیند کرواتے ہیں، تو عرفان پٹھان کمنٹیٹر بن جاتے ہیں اور ہربھجن کو یہ کہہ کر تنگ کرتے ہیں کہ امیتابھ بچن اسے ہرانے والے ہیں، بڑی پٹائی ہونے والی ہے امیتابھ بچن کے ہاتھ سے‘۔ کرکٹ کھیلنے کے علاوہ، نئے پرومو میں امیتابھ کو بادشاہ کے ساتھ ریپ سانگ گاتے ہوئے اور اداکار آیوشمان کھرانہ کے ساتھ اپنی فلم’گلابو ستابو‘ کے ایک سین کی پیروڈی کرتے ہوئے بھی دکھایا گیا۔

موضوعات:امیتابھ بچن