اسلام آباد (این این آئی)پاکستان کی معروف اسپورٹس پریزنٹر اور میزبان زینب عباس کے ہاں بیٹے کی پیدائش ہوئی ہے، خصوصی پوسٹر شیئر کر دی ۔ زینب عباس نے اپنی زندگی کی سب سے بڑی خوشخبری اپنے چاہنے والوں کے ساتھ بانٹنے کے لیے سوشل میڈیا سائٹ انسٹاگرام پر

خصوصی پوسٹ شیئر کی۔اْنہوں نے اپنے تصدیق شدہ انسٹاگرام اکاؤنٹ پر اپنے نومولود بیٹے کے ہمراہ اپنی نئی تصویر شیئر کی۔زینب عباس نے اپنی پوسٹ کے کیپشن میں بتایا کہ ‘رواں ماہ 7 دسمبر کو اْن کے ہاں بیٹے کی پیدائش ہوئی ہے۔اسپورٹس پریزنٹر نے بتایا کہ اْنہوں نے اپنے بیٹے کا نام تیمور حمزہ کاردار رکھا ہے۔زینب عباس نے کہا کہ وہ یہ خوشخبری اپنے تمام چاہنے والوں اور دوستوں کے ساتھ بانٹنے پر بیحد خوش کی۔آخر میں زینب عباس نے کہا کہ اْنہیں اور اْن کے بیٹے کو دْعاؤں میں لازمی یاد رکھیں۔خیال رہے کہ سال 2019ء میں زینب اور حمزہ کی لاہور میں شادی ہوئی تھی۔ حمزہ سابق وزیر خزانہ اور سابق گورنر اسٹیٹ بینک آف پاکستان شاہد حفیظ کاردار کے بیٹے ہیں۔