لاہور (مانیٹرنگ ڈیسک) معروف صحافی عارف حمید بھٹی نے دعویٰ کیا ہے کہ تین مزید ایسی ویڈیوز تیار ہیں جنہیں کوئی بھی ٹی وی چینل نہیں چلا سکے گا، کیپٹن (ر) صفدر کی اپنی ایک دو ویڈیوز موجود ہیں۔نجی ٹی وی پروگرام میں گفتگو کرتے ہوئے عارف حمید بھٹی نے کہا کہ  سیاسی

جماعت کا کام جدو جہد ہے، یہ کن آڈیو، ویڈیو کے چکروں میں پڑ گئے ہیں۔ سب کی بچیاں ہیں، فیملیاں ہیں، ان کے سہارے نہیں ڈھونڈنے چاہئیں۔ اگر مریم نواز سمجھتی ہیں کہ ان شواہد سے ان کی بے گناہی ثابت ہوگی  تو اپنے وکیل کو کہتیں اور انہیں کیس کا حصہ بنا دیا جاتا۔ یوں آڈیو، ویڈیو لانا مناسب طریقہ نہیں ہے۔انہوں نے کہا کہ تین ویڈیوز اور تیار ہیں، ان کا چیلنج ہے کہ یہ ایسی ویڈیوز ہیں جنہیں کوئی بھی قومی ٹی وی چینل نہیں چلا سکے گا۔اس پر اینکر نے سوال کیا کہ کیا یہ وہی ویڈیوز ہیں جن کے بارے میں کیپٹن (ر) صفدر نے کہا تھا کہ سینما سکوپ پر چلیں گی۔ اس پر عارف حمید بھٹی نے جواب دیا جو تذکرہ کر رہے تھے ان کی اپنی بھی ایک دو ہیں۔

آڈیو،ویڈیو کی سیاست نہیں ہونی چاہیے تین ویڈیو اور تیار ہیں مگر نیشنل چینل اس کو چلا نہیں سکے گا،سینئر صحافی عارف حمید بھٹی#HumNews pic.twitter.com/pD46uHE0mX

— HUM News (@humnewspakistan) November 27, 2021

موضوعات:عارف حمید بھٹی