کراچی(این این آئی)محکمہ موسمیات نے خبردار کیا ہے کہ بارش کا سسٹم اگلے 12 سے 18گھنٹے کراچی میں داخل ہوگا، جس کے نتیجے میں تیز بارشوں کاامکان ہے اور اربن فلڈنگ کی صورتحال پیدا ہونے کا خدشہ ہے۔تفصیلات کے مطابق
محکمہ موسمیات کی جانب سے بیان میں کہا گیا ہے کہ بارش کا سسٹم بھارتی گجرات کے پاس موجود ہے، کراچی، سندھ اور بلوچستان میں بارش کا سسٹم بن رہا ہے، اگلے 12 سے 18 گھنٹے میں یہ سسٹم داخل ہوگا۔محکمہ موسمیات کے مطابق سسٹم کے نتیجے میں جمعہ سے تیز بارشوں کاامکان ہے جبکہ مون سون ہوائیں زیادہ شدت سے داخل ہوں گی اور یہ بھی امکان ہے کہ اربن فلڈنگ کی صورتحال پیدا ہوجائیں گی۔محکمہ موسمیات کے مطابق جمعہ اورہفتہ بارش کے ہیوی اسپیل کاوقت ہے ، اس دوران 35سے40ناٹیکل مائل کی رفتارسے ہوائیں چل سکتی ہیں، سمندرمیں طغیانی رہے گی ماہی گیرگہرے سمندرمیں جانے سے گریز کریں۔دوسری جانب اایڈمنسٹریٹر کے ایم سی مرتضی وہاب کے زیر صدارت اجلاس ہوا ، اجلاس میں رین ایمرجنسی کے حوالے سے انتظامات کا جائزہ لیا گیا اور مرتضی وہاب کی تمام بلدیاتی اداروں کو الرٹ رہنے کی ہدایت کردی۔مرتضی وہاب نے کہاکہ واٹر بورڈ ہر ضلع میں نکاسی آب کے لیے ابھی سے مشینری لگا دے اور بارش کاانتظار کیے بغیر وسائل بروئے کار لا کر انتظامات کے ساتھ ساتھ نکاسی آب کی مشینوں کیلیے فیول اور آپریٹر کی دستیابی یقینی بنائیں۔انہوں نے کہاکہ شہریوں کو کسی قسم کی دشواری کا سامنا نہ ہو، پانی جمع ہونے کی صورت میں حکام ذمہ دار ہوں گے۔
