اسلا م آباد (مانیٹرنگ ڈیسک )دودھ کیلشئیم سے بھرپور ہے اور اس کے فائدے تو آپ جانتے ہی ہیں آج ہم آپ کو بتاتے ہیں کہ دودھ میں خشخاش اور مخانے ڈال کر پینا صحت کے لئے کتنا مفید ہے آپ بھی جان لیں تاکہ صحت مند رہ سکیں۔لیکن مخانے اور خشخاش میں ایسا کیا ہے ؟ مخانوں میں وٹامن، کیلشئیم، فاسفورس بڑی مقدار میں پایا جاتتا ہے جوکہ تمام تر

کمزوریوں پر قابو پانے میں مدد دیتا ہے۔ خشخاش میں اومیگا تھری، فائبر، تھائمن، اومیگا 4 اور فیٹی ایسڈز پائے جاتے ہیں جو کہ آپ کی صحت کو فعال رکھنے کے ساتھ ساتھ آپ کی خوبصورتی کو بحال رکھنے کے لئے مفید ہے۔کے فوڈ کے مطابق فوائد: روزمرہ کے ڈھیروں معاملات میں گھرے رہنے کی وجہ سے دماغ میں کمزوری آجاتی ہے لہٰذا یہی دودھ پینے سے آپ کے ذہن کو بھی تقویت ملتی ہے۔ جسمانی کمزوری دور کرنے کے لئے مخانے اور خشخاش والا دودھ بہترین مشروب ہے۔ بلڈ پریشر کو کنٹرول رکھنے میں بھی مخانوں کی بڑی افادیت ہے اور دودھ کے ساتھ اس کے فوائد دگنے ہوجاتے ہیں۔ پٹھوں اور جوڑوں کے درد کی مستقل شکایت رہنے لگی ہے تو پھر آپ اس دودھ کو ضرور استعمال کریں کیونکہ یہ ہڈیوں کو طاقت دیتا ہے اور جسم کے فلوئیڈ کو بڑھاتا ہے جو ہمیں چلنے پھرنے میں مدد دیتے ہیں۔ • جسمانی تھکاوٹ اور فعال رہنے کے لئے اس دودھ کا استعمال مفید ہے۔ اگر آپ کے بال جھڑ رہے ہیں اور روکھی جلد کا سامنا کرنا پڑ رہا ہے تو آپ خشخاش کو دودھ میں اچھی طرھ پکا کر پی لیں اور مخانوں کو بھون کر استعمال کرلیں۔ وقت سے پہلے جھریاں، سفید بال اور بڑھاپے کے اثرات پر قابو پانے کے لئے یہ دودھ کسی ٹانک سے کم نہیں۔

موضوعات:دودھ