ایتھنز (آن لائن) افغانستان کی 7 خواتین ارکان پارلیمنٹ ملک چھوڑکر یونان پہنچ گئیں۔غیر ملکی خبر رساں ادارے کے مطابق یونان کی وزارت خارجہ کی جانب سے جاری ہونے والے بیان میں کہا گیا ہے کہ ساتوں خواتین ارکان پارلیمنٹ کو نیویارک میں قائم ایک این جی اوز کی مدد سے افغانستان سے نکالا گیا اور وہ جارجیا کے دارالحکومت تبلیسی کے

راستے ایتھنز پہنچیں جن کے ہمراہ ان کے اہل خانہ بھی ہیں۔ بیان میں کہا گیا ہے کہ یہ خواتین ارکان پارلیمنٹ بنیادی اقدار، اظہار رائے کی آزادی اور مساوات کی حامی ہیں۔ بیان میں کہا گیا ہے افغان ارکان پارلیمنٹ اور ان کے اہل خانہ کی میزبانی مختصر وقت کے لیے یونان میں کی جائے گی جب تک کہ امریکہ میں ان کی منتقلی اور تصفیے کا طریقہ کار مکمل نہیں ہو جاتا۔