اسلام آباد (این این آئی)پاکستان کے عالمی شہرت یافتہ میوزک پروڈیوسر روحیل حیات پشاور زلمی فیملی کا حصہ بن گئے،روحیل حیات پی ایس ایل 7 کے نئے زلمی ترانے میں اہم کردار ادا کریں گے۔تفصیلات کے مطابق پاکستان کے عالمی شہرت یافتہ میوزک پروڈیوسر روحیل حیات
پشاور زلمی فیملی کا حصہ بن گئے۔روحیل حیات پاکستان میوزک انڈسٹری کا ایک بہت بڑا نام ہے اور پاکستان میوزک انڈسٹری میں نئے رحجانات ، پاپ میوزک ، میوزک فیوزن اور پاکستان کے عالمی شہرت یافتہ میوزک پروگرام کوک اسٹوڈیو کے زریعے پوری دنیا کے میوزک لورز کی توجہ کا مرکز رہے ہیں۔اس سے قبل روحیل حیات پاکستان کے مشہور بینڈ وائٹل سائنز کے بانی اراکین میں شامل تھے۔روحیل حیات نے کہا کہ وہ پشاور زلمی فیملی کا حصہ بننے پر بہت خوش ہے اور انہیں خوشی ہے کہ وہ پاکستان سپر لیگ جیسے ایونٹ کو اپنے تخلیقی صلاحیتوں اور زلمی پلیٹ فارم سے سپورٹ کریں گیپشاور زلمی کے چیف کمرشل آفیسر نوشیروان آفندی نے کہا نے کہا کہ پشاور زلمی اپنے اینتھمز کے حوالے سے خصوصی انفرادیت کے حامل رہے ہیں۔روحیل حیات جیسے میوزک پروڈیوسر کی زلمی فیملی میں شمولیت انتہائی پرجوش ہے اور پوری امید ہے کہ پی ایس ایل سیون کے لیے روحیل حیات کی سربراہی میں بننے والا اینتھم نہ صرف زلمی اور کرکٹ فینز بلکہ پاکستان اور دنیا بھر کے میوزک لوورز کو محظوظ کرے گا
