اسلام آباد (این این آئی)طالبان کے ترجمان اور افغانستان کے نائب وزیر اطلاعات ذبیح اللہ مجاہد نے لڑکیوں کے اسکول کھولنے سے متعلق اہم اعلان کیا ہے۔ایک بیان میں ذبیح اللہ مجاہد نے کہاکہ افغانستان میں لڑکیوں کے اسکول جلد کھول دیے جائیں گے۔انہوںنے کہاکہ حکومتی عہدیدار لڑکیوں کی علیحدہ تعلیم کے انتظامات کررہے ہیں جبکہ لڑکیوں کیلئے علیحدہ کلاسز اور اساتذہ کا انتظام کیا جارہا ہے۔ذبیح اللہ مجاہد نے کہاکہ انتظامات مکمل ہونے پر تفصیلات میڈیا اور عوام کو بتائی جائیں گی۔خیال رہے کہ گزشتہ دنوں طالبان نے لڑکوں کے اسکول کھولنے کا اعلان کیا تھا۔