اسلام آباد (این این آئی)قومی ایئرلائن نے اربین کیلئے خصوصی فلائٹ آپریشن شروع کردیا،پی آئی اے کی خصوصی پرواز پی کے9501کراچی سے دمشق کے لئے

روانہ ہوئی،پرواز میں وفاقی وزیرغلام سرور خان،سی ای او ایئر مارشل ارشد ملک اور سیریا کے سفیر بھی روانہ ہوئے،پی آئی اے کے بوئنگ777طیارے کے ذریعے300سے زائد مسافر دمشق کیلئے روانہ ہوئے،دمشق ائر پورٹ آمد پر پی آئی اے طیارے کو واٹر کینن سیلوٹ دیا گیا،پی آئی اے 12پروازیں نجف،2بغداد اور4دمشق کیلئے آپریٹ کریگی،پی آئی اے کا خصوصی آپریشن24ستمبر تک جاری رہے گا،پروازیں کراچی،لاہور اور اسلام آباد سے براہ راست روانہ ہوں گی۔ایئرمارشل ارشد ملک نے کہاکہ اہم مذہبی مواقع پر پی آئی اے نے زائرین کی سہولت کیلئے خصوصی پروازوں کا آپریشن شروع کیا ہے، قومی ایئرلائن زائرین کو مقام مقدسہ پہنچانے میں ہمیشہ پیش پیش رہتی ہے۔