کابل (آن لائن)طالبان نے خواتین کی وزارت کو وزارتِ اخلاقیات میں تبدیل کردیا۔ غیرملکی خبر رساں ایجنسی کے مطابق کابل میں وزارت خواتین کی عمارت پر نئی وزارت کا بورڈ لگا دیا گیا ہے۔ بورڈ پر’عبادت و رہنمائی، اچھائی کے فروغ اور برائی سے انتباہ‘ لکھا ہے۔ خبر ایجنسی نے کہا کہ کئی ہفتوں سے کام پر واپسی کی خواہشمند خواتین کو گھر بھیج دیا گیا ہے۔ ایک خاتون ملازم نے بتایا کہ عمارت کے دروازے پر بلا خر تالے لگا دیے گئے ہیں۔ غیر ملکی خبر ایجنسی کا کہنا ہے کہ اس حوالے سے طالبان ترجمان کی جانب سے کوئی جواب نہیں دیا گیا۔