راجن پور (مانیٹرنگ ڈیسک)راجن پور کی ڈسٹرکٹ اینڈ سیشن کورٹ کے مالی کو سیشن جج کی جانب سے الوداع کہنے کا انداز سوشل میڈیا پر وائرل ہو گیا، العربیہ اردو نے سماجی رابطے کی ویب سائٹ ٹوئٹر پر مالی کو الوداع کرنے کی ویڈیو شیئر کی جس میں پنجاب کی ڈسٹرکٹ کورٹ راجن پور میں ایک مالی کی ریٹائرمنٹ پر سیشن جج بذات اعزاز و اکرام کے ساتھ اپنے پروٹوکول میں رخصت کر رہے ہیں، اس ویڈیو میں سیشن جج مالی کو اپنے ساتھ لے کر آئے اور باقی عملہ دونوں طرف سائیڈوں پر قطار بنائے کھڑا انہیں رخصت کر رہا تھا، سیشن جج نے مالی کے لئے گاڑی کا دروازہ خود کھولا اور انہیں گاڑی میں بٹھانے کے بعد انہیں سلیوٹ کیا، سیشن جج کے اس انداز کو عوامی سطح پر بہت پذیرائی مل رہی ہے۔ریٹائرڈ مالی کو پورے پروٹوکول کے ساتھ رخصت کیا گیا۔