اسلام آباد (این این آئی)گیلپ سروے میں کہاگیا ہے کہ پاکستانی قوم کی اکثریت افغانستان میں طالبان حکومت کے قیام پر خوش ہے۔گیلپ پاکستان کے سروے کے مطابق 55 فیصد پاکستانیوں کا افغانستان میں طالبان حکومت کے قیام پر خوشی کا اظہار کیا۔25 فیصد شہریوں نے خوش نہ ہونے کا کہا جبکہ 20فیصد نے

کوئی رائے دینے سے گریز کیا۔سروے میں طالبان حکومت کے قیام پر سب سے زیادہ خوش خیبرپختونخوا سے 65 فیصد افراد نظرآئے۔بلوچستان سے 55 فیصد، پنجاب اور سندھ سے 54 فیصد شہریوں نے طالبا ن حکومت کے قیام پر خوشی کا اظہار کیا۔سروے میں میں ملک بھر سے 2400 سے زائد افراد نے حصہ لیا۔