لاہور( این این آئی) قومی احتساب بیورو ( نیب ) نے صاف پانی ریفرنس میں مسلم لیگ (ن) کے صدر شہباز شریف کی بیٹی رابعہ عمران اور داماد علی عمران کی جائیدادوں قرق کرلی ۔ احتساب عدالت کے جج محمد ساجد علی نے ریفرنس پر سماعت کی ۔ دوران سماعت نیب کی جانب سے جائیدادقرقی کی رپورٹ احتساب عدالت میں جمع کرا ئی گئی ۔

احتساب عدالت نے رابعہ عمران اوران کے شوہر علی عمران کے پیش نہ ہونے اشتہاری قرار دیتے ہوئے دونوں کی جائیدادوں کو قرق کرنے کا حکم دیا تھا۔احتساب عدالت کے جج محمد ساجد علی نے ریفرنس پر سماعت کی ۔عدالت نے مزید کاروائی 23 ستمبر تک ملتوی کرتے ہوئے دیگر شریک ملزمان کی بریت کی درخواستوں پر دلائل طلب کر لئے۔

موضوعات:شہبازشریف